Hawaizaada: A film that never really takes flight

1

I have yet to see a film with hardly a redeeming feature as Hawaizaada. Read the full review here.

RB’s Snap-o-Meter: My snap-o-meter stopped working mid-way, but for effort one snap to banta hai.

Rab Rakha

RB (Tweet Me!)

Advertisements

5 comments

  1. OMG ..main kehnay hi wali thi k aap iss movie ka review nahi kren gay ..trailer tou kher bohat acha tha..review say lag raha hai movie kuch khas nahi..lekin ye movie zaroor dekhoon gi ..kuch moves dekhni chahiyan ye sochy begher k achi hain ya buri 🙂 ..baqi movie dekh ker

  2. Brilliant brilliant brilliant review …aap nay wo har baat keh di jo film dekhtay hoay main soch rahi thi lekin samajh nahi paa rahi thi…sath hi ye ahsas bhi hoa bina movie/ drama dekhay review ko samajhna aur oos k achay buray honay k baray main lagaya andaza mukammal tor per sahi nahi bhi ho sakta is k liay wo film/drama hi dekhna pray gaa..aur ye bari ajeeb baat maloom hoi k jis cheez ko janch-nay k liay review likha jaa raha hai..review ko janch-nay k liay os cheez ko dekhna zaroori hai 🙂

    film tou kafi din pehlay main nay dekh li thi bus time nahi mil raha tha mere khayal main sub say bara masla lenthgh of the film tha almost 30-40 minutes extra thay ager editing thori behter hoti tou viewer itna bore na hotay…aur budget per bhi ferq perta ..suna tha k film bannay k doran is waja say kafi problems aye thay isi liay itna time (2 years) laga ye film bannay main

    dosra main issue casting kaa tha…ayush ki first movie main nay dekhi aur zahir hai wo iss tra k acting abilities / personality/ screen presence nahi rakhtay k aisi film ka bojh apnay na-tawan kandhon per utha len 🙂 ..jaisa aap nay kaha na wo manoj kumar hain k patriotic dialogues bolen tou audience pagal ho jyn aur sorry to say per wo shahrukh bhi nahi k jin ko devdas main gher say niala gaya tha aur oon k memorable dialogues ko sun ker mera dil toot k do tukray ho gaya tha 🙂 yahan tou shivy miyan ko aba jaan kay gher say nikalnay per mera reaction is say ziada nahi tha k “sanu ki” …

    aur ye word jub kisi viewer k munh say nikal jye tou samjhen k film buri tra nakaam ho gai wo deliever kernay main jis maqsad k liay wo banai gai thi…kiunk aap dekhnay walay say koi reaction lanay main nakaam ho gai ain..aur ye is film ki sub say bari bud qismati thi k romance drama patriotism kisi bhi hawalay say impressive nahi thi..jo mujhay lagta hai k ager cast behter hoti tou shayed aisa na hota..aur ye heroine tou pta nahi kon thin..in ki acting thik thi lekin sorry ayush k sath in kaa couple mujhay bilkul acha nahi laga ye alag baat k poster dekhker main samajhti thi ye “alia bhat” hai lol…hum nay bohat baar pk dramas main dekha aur discuss bhi kia hai k kis tra powerful performances ek mediocre story/ screen play main jaan daal deti hain

    lekin sub say bari disappointment ye thi k main aisi film dekhnay bethi thi jo ek “scientist” ki life per based thi ya oos ki invention per..lekin film main sub say ziada iss angle ko nazer andaz ker k romance patriotism comedy drama aur pta pta kis kis cheez per focus kia gaya…humen kuch pta nahi chala shivy kon tha kia tha..mujhay khushi hai aap nay “failed 8th grade student” wala point raise kia lekin mere khayal main 4th grade main tha apnay nephew ka class fellow aur wahan 8 baar fail hoa tha

    ab sawal ye paida hota hai k ek aisa student jo 8 saal main ek hi class ka exam clear nahi ker saka..wo itna bara genius (wo bhi bagher kisi waja k atleat film say ye hi pta chalta hai) kaisay ban gaya..oos k knowledge kaa source kia tha..kaisay oos kaa interest develop hoa..ager “vedas” perh ker itna alim fazil ho gaya tou ye tou religious books hain jin ko aur log bhi perhtay hain phir shivy k in sub say alag honay k reaon ko dikhana chahiay tha..phir writer nay khuda janay kia socha tha apni audience k baray main..ya shayed socha hi nahi tha…lekin ye maan lia gaya tha k audience ko “vedas” k baray main pehlay say hi har cheez maloom hai is liay humen kuch batanay ki koi zaroorat nahi samjhi..

    lekin aap apni movies globally release kertay hain tou zara international audience ko bhi dhayan main rakha kren..TBH mujhay kuch samajh nahi aa rahi thi k ye kia ho raha hai aur film dekhnay k baad mujhay google kerna para ..kiunk main nahi chah rah thi k apni kum-ilmi main mere munh say kisi dosray religion ki religious books k baray main koi ghalat baat nikal jye..aur isi baat per mujhay ghussa aya k ye in ko film main clear kerna chahiay tha bhai hum ko kia pta k vymaanika shaastra kia hai bulk iss k honay k baray main hi nahi pta..

    iss cheez nay kitna mujhay frustrate kia main bta nahi sakti…itna screen time romance aur dosi fazool cheezon per berbad ker k jo bunyadi cheez jis per aap film bana rahay hain aur marketing ker rahay hain..lekin fim main sub say kum tawajo usi mozoo per?…kia costumes /lab/ equipment dekh ker hum yaqeen ker len k haan ji hawai jahaz ban raha hai?…..nonsense

    aur ager aap k paas itna content nahi hai k jis ki bunyaad per film ban sakay tou bhaiya phir kiun film bananay chalay?…26 crore laganay say pehlay 26 baar tou soch laitay?…aam tor per jub aisi movies flop hoti hin mujhay dukh hota hai kiunk mujhay lagta hai k indian/Pakistani audience nay apna taste develop nahi kia k kuch popular genres say hut ker kisi cheez ko digest ker saken appreciate kerna tou door ki baat..ye hi waja hai k jub koi risk lay ker kuch experiment kernay ki koshish kerta hai tou humari audience osay let down kerti hai..lekin dosri terf same old same old ya change ki demand bhi kertay rehtay hain

    lekin yahan mujgay lagta hai k mujhay cheat kia gaya hai ..kuch aur bata ker kuch aur dia gaya hai..is haal main iss film k flop honay per mujhay koi khaas afsos nahi

    main isay 2 stars doon gi..actually 1.5 dena chahti thi lekin .5 sirf ek different idea k liay..chalo koshish tou ki ..itni hosla afzai tou banti hai 🙂

  3. Oh haan Mubarak dena tou bhool hi gai…bhai aap ko bohat bohat Mubarak ho aap ki team itna acha kheli aur jeet gai 🙂 ..isi khushi mein Devdas say (jis kaa abhi ziker bhi hoa) mere 2 fave scenes..

    aur

    waisay haar kaa dukh Rega-jha k tweet nay kum ker dia lol..aisi hi baat kuch arsa pehlay main nay bhi ki thi..yaad hai 😉 lekin main nay mazaq kia tha sirf aap ko tung kernay k liay..lekin aap tung hi nahi hoay …zara saa bhi.. aur mera plan fail ho gaya tha buri tra say 🙂

    1. Shukriya-ji lekin competition one-sided tha, Pakistani team zyada strong hoti to match aur dilchasp hota. Woh 90s walay matches ki feel ab nahi aati, ab to insaan yaar dafa ho. Lekin phir bhi shukriya.

      Jahan tak raha Madam Jha ka comment hai, to waqai unhonay kuch galat to nahi kaha. Yeh to zahiri baat hai, fact bhi hai. Ismay hum Punjabi apwad hain kyunki dekh lain meri ancestry to Pakistani say hi hai. ::wink, wink:: Jab tak mein “khoobsurat” – seerat and surat wise – hoon auroon say kya laina daina, nahi? Waisay aap kitni haseen hain yeh to humne kabhi disucss hi nahi kara. Leoprad print pehnti hai, sundar to hoongi. :p Awoooooooo!

      Devdas kay scenes say yard maya meray favourite scenes hain: Thakur Bhuvan Chaudhry aur Paro ki shaadi kay baad phew mulaqat when he says: “Yeh Subadhra hain meri pehli patni”, Paro aur uskay Damaat kay beech hui pehli mulaqat jab Paro apni sauteli beti ko apna haar daiti hai, teersa to finale scen aap janati hain, finally, Kirron Kher jab rishta lay kar jaati hain. Ab saaray scenes to available nahi hain Youtube par lekin last wala zaroor available hai:

      Yeh kya hai? Shagun ka sikka, didi! 😉

      Doosray comment par thodi dair mein aata hoon abhi Afia Nathaniel walay par bhi comment karna baqi hai. 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s